ამოქსიკლავ–დენკი 500/62.5მგ 16 ტაბლეტი

სრული აღწერა:
ამოქსიკლავ-დენკ 500/62.5 არის ანტიბიოტიკი, რომელიც შედგება პენიცილინ ამოქსიცილინისგან და ბ-ლაქტამაზას ინჰიბიტორ კლავულანის მჟავასგან.
ამოქსიკლავ-დენკ 500/62.5 გამოიყენება მწვავე და ქრონიკული ინფექციების სამკურნალოდ, რომლებიც ექვემდებარება პერორალურ მკურნალობას. გრამდადებითი და გრამუარყოფითი მიკროორგანიზმები არიან შესაძლო პათოგენები, რომელთა მდგრადობაც ბეტა ლაქტამის შემცველი ანტიბიოტიკების მიმართ გამოწვეულია ბეტა ლაქტამაზებით, რომლებიც თავის მხრივ მგრძნობიარეა ამოქსიცილინისა და კლავულანის მჟავას კომბინაციის მიმართ.
თუ არსებობს ლოგიკური ეჭვი, რომ ინფექცია შესაძლოა გამოწვეული იყოს ზემოთ ხსენებული პათოგენებით, ამოქსიკლავ-დენკ 500/62.5-ით მკურნალობის დაწყება შეიძლება ანტიბიოტიკების მიმართ მგრძნობელობის განსაზღვრამდე (ანტიბიოგრამა).
მედიკამენტი გამოიყენება შემდეგი ინფექციების სამკურნალოდ:
 ზედა და ქვედა რესპირატორული გზების ინფექციები
 შუა ყურის ინფექციები (ოტიტის მედია)
 პარანაზალური წიაღების მწვავე ინფექციები (მწვავე სინუსიტი)
 ქრონიკული ბრონქიტის გამწვავება
 ფილტვის ინფექციები (პნეუმონია)
 თირკმლის და ქვედა საშარდე გზების ინფექციები.
 სასქესო ორგანოების ინფექციები.
შენიშვნა:
პნევმონიის მკურნალობა უნდა დაიწყოს პარენტერალურად, გასანკუთრებით პნევმონიის მძიმე ფორმების დროს, რომელიც შეძენილია საავადმყოფოს გარეთ.
მხედველობაში მისაღებია ოფიციალური საერთაშორისო სახელმძღვანელოები (გაიდლაინები) შესაბამისი ანტიმიკრობული საშუალების გამოყენების შესახებ.

შემადგენლობა:
ამოქსიკლავ-დენკ 500/62.5 შეიცავს კალიუმს და ნატრიუმს. ერთი აპკიანი გარსით დაფარული ტაბლეტი შეიცავს 12.3 მგ კალიუმს. განსაკუთრებით საყურადღებოა იმ პაციენტებისთვის ვისაც დაქვეითებული აქვს ტირკმლის ფუნქცია ან ან იღებენ შეზღუდული რაოდენიბის კალიუმს.
ერთი აპკიანი გარსით დაფარული ტაბლეტი შეიცავს 15.6 მგ ნატრიუმს (მთავარი კომპონენტი სამზარეულოში / სუფრის მარილი) ეს უნდა გაითვალისწინოს იმ პაციენტმა, რომელიც იღებს შეზღუდული რაოდენობის ნატრიუმს.

შესაძლო გვერდითი ეფექტები:

ყველა სხვა მედიკამენტის მსგავსად, ეს მედიკამეტიც იწვევს გვერდით ეფექტებს. თუმცა ყველას არ უვითარდება ისინი.
გვერდითი ეფექტების კლასიფიკაცია ხდება შემდეგი სიხშირით:

ძალიან ხშირი: 10 პაციენტში ერთ შემთხვევაზე ხშირად
ხშირი: 1 /10-ზე იშვიათად, მაგრამ 1/100-ზე ხშირად
არა ხშირი: 1/100-ზე იშვიათად, მაგრამ 1/1000-ზე ხშირად
იშვიათი: 1/1000-ზე იშვიათდ, მაგრამ 1/10000-ზე ხშირად
ძალიან იშვიათად 1/10000–ზე ან უფრო ნაკლები, ინდივიდუალური შემთხვევების ჩათვლით
უცნობი სიხშირით არსებული მონაცემების მიხედვით სიხშირე არ არის დადგენილი

ამ დროისთვის მოცემულია შემდეგი სახის გვერდითი ეფექტები:
ინფექციები
ხშირი: კანის და ლორწოვანი გარსის გაძლიერებული კოლონიზაცია სოკოვანი ინფექციებით (კანდიდიაზი). ამოქსიცილინ/კლავულანის მჟავის გახანგრძლივებულმა და განმეორებითმა გამოყენებამ შეიძლება გამოიწვიოს რეზისტენტული ბაქტერიებით ან სოკოთი გამოწვეული ინფექციის განვითარება.

სისხლის და ლიმფური სისტემის მხრივ
იშვიათი: სისხლის მონაცემების ცვლილება, მაგალითად სისხლის თეთრი უჯრედების რაოდენობის შემცირება (ლეიკოპენია, მათ შორის ნეიტროპენია), თრომბოციტების რიცხვის შემცირება (თრომბოციტოპენია).
ძალიან იშვიათი: სისხლის მონაცემების ცვლილება, რომელიც გამოხატულია გარკვეული ტიპის თეთრი უჯრედების რაოდენობის შემცირებით (გრანულოციტოპენია, აგრანულოციტოზი), სისხლის ყველა ტიპის უჯრედის რაოდენობის შემცირება (პანციტოპენია), ჰემოლიზური ანემია, ძვლის ტვინის მიერ სისხლის წარმოქმნის სუპრესია (მიელოსუპრესია) სისხლდენის და პროთრომბინის დროის გახანგრძლივება. ეს გამოვლინებები შექცევადია მკურნალობის შეწყვეტის შემდეგ.

იმუნური სისტემის მხრივ
ძალიან იშვიათი: მწვავე ალერგიული რეაქციები, რომელიც ვითარდება 6-ამინო პენიცილის მჟავათი სენსიბილიზაციის შედეგად, მაგ. წამლისმიერი ტემპერატურის მომატება, სპეციფიკური სისხლის უჯრედების რაოდენობის მომატება (ეოზინოფილია), კანის და ლორწოვანის მტკივნეული შეშუპება (კვინკეს შეშუპება), ალერგიული რეაქციები ყველანაირი სიმძიმის, ზოგჯერ იწვევს ალერგიულ შოკს (ანაფილაქსიას), შრატის დაავადება, სისხლძარღვების ალერგიული დაავადება და თირკმლისმიერი ჩივილები (ვასკულიტი და/ან ნეფრიტი) და ხორხის შეშუპება, საჰაერო გზების დახშობით და გაძნელებული სუნთქვით (ლარინგიალური შეშუპება).
სიმწვავის ყველა ხარისხის ალერგიული რეაქცია, რომელიც ზოგიერთ შემთხვევაში იწვევს ანაფილაქტიურ შოკს, გამოვლინდა პენიცილინებთან ერთად მიღების დროს. ძლიერი ანაფილაქტოიდური რეაქციები შეიძლება საჭიროებდეს შესაბამის გადაუდებელი დახმარების ზომების მიღებას (იხ. სიცოცხლისთვის საშიში გვერდითი ეფექტების განვითარების დროს მისაღები ზომები).

ნერვული სისტემის მხრივ
არახშირი: თავის ტკივილი, თავბრუსხვევა.
ძალიან იშვიათი: შექცევადი ჰიპერაქტიურობა, აგზნებადობა, უძილობა, გონების დაბინდვა, აგრესია და გულყრები. სხვა პენიცილინების მსგავსად, ცერებრალური გულყრები შეიძლება განუვითარდეთ იმ პაციენტებს, რომელთაც აქვთ თირკმლის ფუნქციის დარღვევა ან იღებენ დიდი დოზით ამოქსიცილინ/კლავულანის მჟავას. შესაფერისი დოზის შერჩევა ხდება სიფრთხილით, განსაკუთრებით იმ პაციენტებისთვის, რომლებსაც დაქვეითებული აქვთ თირკმლის ფუნქცია.

გასტროინტესტინალური ტრაქტის მხრივ
ძალიან ხშირი: დიარეა
ხშირი: გულისრევა (ძლიერდება მაღალი დოზების მიღების შემთხვევაში), ღებინება, მუცლის ტკივილი, შებერილობა და თხელი ფეკალური მასები. აღნიშნულიძირითადად მსუბუქი მიმდინარეობის არის და მკურლაობის შეწყვეტის შემდეგ თავისით ქრება. ამოქსიკლავ-დენკ 500/62.5 ადვილად შეიწოვება ორგანიზმის მიერ, როდესაც მიიღება საკვებთან ერთად.
არახშირი: მუცლის ზედა ნაწილთან დაკავშირებული ჩივილები (დისპეპსია).
იშვიათი: ნაწლავების გაძლიერებული კოლონიზაცია სოკოვანი ინფექციებთან ერთად (ნაწლავური კანდიდიაზი).
ძალიან იშვიათი: ანტიბიოტიკებით გამოწვეული ნაწლავური ინფექცია (ანტიბიოტიკებთან დაკავშირებული ენტეროკოლიტი, მათ შორის ფსევდომემბრანოზული ენტერკოლიტი და ჰემორაგიული ენტეროკოლიტი), რომელიც შეიძლება იყოს სიცოცხლისთვის საშიში. ძლიერი გახანგრძლივებული ფაღარათის დროს, რომელიც ვითარდება მკურნალობიდან პირველ რამდენიმე კვირაში, გასათვალისწინებელია ფსევდომემბრანოზული ენტეროკოლიტის დიაგნოზი (უმეტეს შემთხვევებში გამოწვეულია პათოგენით ცლოსტრიდიუმ დიფფიცილე) (იხ. სიცოცხლისთვის საშიში გვერდითი ეფექტების განვითარებისას მისაღები ზომები). შავი ენა.
იმ ქალებთან ჩატარებული ერთჯერადი კვლევის შედეგად, რომლებსაც ორსულობის დროს ჰქონდათ ამნიონური მემბრანის ნაადრევი დარღვევა, გამოვლინდა, რომ ამოქსიკლავ-დენკ 500/62.5-ით პროფილაქტიკური მკურნალობა შესაძლოა დაკავშირბეული იყოს ახალშობილებში მძიმე ფორმის ნაწლავურ ინფექციასთან (ნეკროზული ენტეროკოლიტი).

ღვიძლის და სანაღვლე გზების მხრივ
არახშირი: ღვიძლის ფერმენტების (Aშთ, ALთ, ტუტე ფოსფატაზა) ზომიერი ასიმპტომური მომატება. თუმცა ეს არ არის აუცილებლად ამოქსიცილინ/კლავულანის მჟავის მიღების შედეგად განვითარებული ღვიძლის დაზიანების ნიშანი.
ძალიან იშვიათი: ღვიძლის გარდამავალი ინფექცია და სანაღვლე გზების დახშობით გამოწვეული სიყვითლე (ქოლესტაზური სიყვითლე). ასეთი რეაქციები ასევე აღინიშნებოდა სხვა პენიცილინებთან და ცეფალოსპორინებთანაც.
ღვიძლის დაზიანების სიმპტომები (ხშირად მწვავე ქავილი, კანის და თვალის სკლერების სიყვითლე, მუქი შარდი და ჩვეულებრივზე უფრო ღია ფერის ფეკალური მასები) შეიძლება განვითარდეს ამოქსიცლინ / კლავულანის მჟავით მკურნალობის დროს და მკურნალობის დამთავრებიდან ძალიან მალე. ზოგიერთ შემთხვევაში, ისინი არ ვლინდება მკურნალობის დამთავრებიდან რამოდენიმე კვირის გასვლამდე. ღვიძლის დაზიანება შეიძლება იყოს მწვავე ფორმის და უმეტესად ვლინდება მამაკაც და ხანდაზმულ პაციენტებში (60 წლის და მეტი) ან თუ მკურნალობა გრძელდება 14 დღეზე მეტ ხანს. ის ხშირად დროებითია. თუმცა ძალიან იშვიათ შემთხვევებში გამოვლინდა ფატალური შედეგიც. ეს უმეტეს შემთხვევებში ვლინდება ისეთ პაციენტებში, რომელთაც უკვე აქვს რომელიმე სახის სერიოზული დაავადება ან იმ პაციენტებში, რომლებიც ერთდროულად იღებენ სხვა მედიკამენტებსაც.
ღვიძლის დაზიანება ასევე აღინიშნებოდა ბავშვებში ძალიან იშვიათ შემთხვევებში.
თუ გამოვლინდა რომელიმე ზემოთ ჩამოთვლილი სიმპტომთაგანი, დაუყოვნებლვ უნდა მიემართოს მკურნალ ექიმს.

კანისა და კანქვეშა ქსოვილების დაავადებები
არახშირი: გამონაყარი (ჭინჭრის ციება), ქავილი (პრურიტი), გამონაყარი კანზე (ეგზანთემა).
ეს ტიპიური წითელას მსგავსი გამონაყარი ვითარდება მკურნალობის დამთავრებიდან 5-11 დღეში. ინფექციური მონონუკლეოზით დაავადებული პაციენტებს (პფეიფერის დაავადება) და პაციენტები, რომლებსაც აქვთ გარკვეული სახის ლეიკემია (ლიმფური ლეიკემია), იმყოფებიან ეგზანთემის განითარების მაღალი რისკის ქვეშ. გამონაყარით გამოხატული კანის დაუყოვნებლივი რეაქცია ხშირად მიუთითებს ნამდვილ პენიცინილ ალერგიულობაზე და მკურნალობა უნდა შეწყდეს.
ასევე შეიძლება განვითარდეს მუკოზიტი (ლოწოვანის ანთება), პირის ღრუს ლორწოვანი გარსის ანთება. პირის სიმშრალე და გემოვნების ცვლილებები.
იშვიათი: სიცოცხლისთვის საშიში კანის გაძლიერებული აქერცვლა (ერითემა ეხსუდატივუმ მულტიფორმი).
უცნობი სიხშირით: ფართოდ გავრცელებული გამონაყარი, კანის აქერცვლა, ძირითადად პირის, ცხვირის, თვალების და გენიტალიების გარშემო (სტივენ-ჯონსონის სინდრომი) და უფრო მწვავე ფორმით კანის აქერცვლის გამომწვევი (სხეულის 30%-ზე მეტი ზედაპირზე განცითარებული ტოქსკური ეპიდერმული ნეკროზი); ფართოდ გავრცელებული კანიზე წითელი ფრის გამონაყარი, პატარა ბუშტუკებით (ბულოზური ექსფოლიატიური დერმატიტი), წითელი ფერის, ქერცლით დაფარული გამონაყარი კანქვეშ და ბუშტუკები (ექზანთემატოზური პუსტულოზი; გრიპის მსგავსი ნიშნები გამონაყართან, სიცხესთან, ჯირკვლების შეშუპებასთან, სისხლის ანალიზის უჩვეულო შედეგებტან ერთად (მათ შორის ლეიკოციტების (ეოზინოფილია) და ღვიძლის ფერმენტების რაოდენობის მომატება) (მედიკამენტის რეაქცია ეოზინოფილიასთან და სისტემურ ნიშნებთან ერთად (DRESS)). კანის მხრივ რეაქციების გამოვლენის შემთხვევაში უნდა შეწყდეს ამოქსიკლავ-დენკ 500/62.5-ით მკურნალობა და უნდა ეცნობოს მკურნალ ექიმს.
ალერგიული რეაქცია არ გამოირიცხება იმ პაციენტებში, რომლებსაც აქვთ ან წარსულში ქონდათ სოკოვანი ინფექციები, იმ შემთხვევაშიც კი თუ მათ პენიცილინი ეძლევად პირველად (სოკოსა და პენიცილინს შორის ანტიგენის გაერთიანება).

თირკმლის და საშარდე გზების მხრივ
ძალიან იშვიათი: თირკმლის ინფექციები (მწვავე ინტერსტიციალური ნეფრიტი), აქტიური ნივთიერების ამოქსიცილინის კრისტალიზაცია შარდში (კრისტალურია).
ზოგადი სახის დარღვევები და მიღების ადგილის დაავადებები:
ძალიან იშვიათი: სხვა ანტიბიოტიკების მსგავსად, აღინიშნებოდა კბილების ფერის ცვლილება. მიუხედავად პირის ღრუს ინტენსიური ჰიგიენისა, თითქმის ნახევარ შემთხვევაში ფერის ცვლილება დარჩა (უფრი ხშირად 10 წლამდე ასაკის ბავშვებში).

სიცოცხლისთვის საშიში გვერდითი ეფექტების განვითარების დროს მისაღები ზომები
ზოგიერთ ზემოთ ჩამოთვლილი წამლის გვერდითი ეფექტი შეიძლება იყოს მწვავე და სიცოცხლისთვის საშიში. თუ ასეთი მოვლენები განვითარდა ან მოულოდნელად გართულდა დაუყოვნებლივ უნდა მიემართოს მკურნალ ექიმს.

ფსევდომემბრანოზული ენტეროკოლიტი
ძლიერი გახანგრძლივებული ფაღარათი ამოქსიცილინ/კლავლანის მჟავით მკურნალობის დროს ან მკურნალობის შემდეგ შეიძლება იყოს სიცოცხლისთვის პოტენციურად საშიში ფსევდომემბრანოზული ენტეროკოლიტის მაჩვენებელი. საჭიროა ამოქსიცილინ/კლავულანის მჟავით მკურნალობის დაუყოვნებლივ შეწყვეტა, და აუცილებლობის შემთხვევაში შესაბამისი მკურნალობის დაწყება ექიმის მიერ (მაგალითად სპეციფიკური ანტიბიოტიკების/ქიმიოთერაპიული საშუალებების დანიშვნა, რომელთა კლინიკური ეფექტურობა დამტკიცებულია). არ მიიღება მედიკამენტები, რომლებიც აფერხებენ ნაწლავის მოძრაობას (პერისტალტიკას).

მწვავე ფორმის, სიცოცხლისთვის საშიში მწვავე ალერგიული რეაქციები
ამოქსიცილინ/კლავულანის მჟავით მკურნალობა უნდა შეწყდეს ალერგიული რეაქციის პირველივე ნიშნების გამოვლენისთანავე და საჭიროა სიმპტომების შესაბამისი გადაუდებელი მკურნალობის ზომების მიღება (მაგ. ანტიჰისტამინების, კორტიკოს-ტეროიდების, სიმპათომიმეტიური საშუალებების დანიშვნა საჭიროების შემთხვევაში ხელოვნური ვენტილაცია) კვალიფიციური ექიმების მიერ.

გულყრების (ეპილეფსიის მსგავსი) განვითარება
საჭიროა შესაბამისი გადაუდებელი მკურნალობის ზომების მიღება (მაგ. სასუნთქი გზების გათავისუფლება, ანტიკონვულსანტების დანიშვნა, როგორიცაა დიაზეპამი ან ბარბიტურატები).
ამოქსიკლავ-დენკ 500/62.5-ის დიდი დოზებით მიღების დროს სასურველია საკმარისი რაოდენობის სითხის მიღება და გამოყოფა რათა მინიმუმამდე იყოს დაყვანილი ამოქსიცილინის კრისტალურიის განვითარება.

მიღების წესი:
აპკიანი გარსით დაფარული ტაბლეტები მიიღება რეგულარული ინტერვალებით მთელი დღის განმავლობაში საკმარისი რაოდენობის სითხესთან ერთად. (მაგ. ჭიქა წყალი). არ შეიძლება აპკიანი გარსით დაფარული ტაბლეტების დაღეჭვა ან აპკიანი გარსით დაფარული ტაბლეტების გაყოფა.
ამოქსიკლავ-დენკ 500/62.5 აპკიანი გარსით დაფარული ტაბლეტები მისაღებად საუკეთესო დრო არის კვების დაწყებისას, პირველი ლუკმის მიღების შემდეგ. ამოქსიკლავ-დენკ 500/62.5 ყველაზე უფრო ეფექტურია ასეთი გზით მიღებისას. თუმცა ამოქსიკლავ-დენკ 500/62.5 ასევე ეფექტურია როდესაც მიიღება ჭამის წინ ან ჭამის შემდეგ.