იბუპროფენ დენკი 600მგ 20 ტაბლეტი

შემადგენლობა

აქტიური ინგრედიენტია იბუპროფენი.

1 ტაბლეტი შეიცავს 600მგ იბუპროფენს.

სხვა ინგრედიენტები:

ჰიპრომელოზა, მაკროგოლ 6000, მაგნიუმის სტეარატი(Ph. Eur), სიმინდის სახამებელი, პოლი (O-კარბოქსიმეთილის) სახამებელი, ნატრიუმის მარილი;

სილიციუმის კოლოიდური დიოქსიდი, ტიტანის დიოქსიდი (Е 171).

ჩვენება

იბუპროფენ დენკი 600მგ წარმოადგენს ანთების საწინააღმდეგო და ტკივილგამაყუჩებელ პრეპარატს (არასტეროიდული ანთების საწინააღმდეგო და ტკივილგამაყუჩებელი პრეპარატები) და ასევე გამოიყენება ტკივილისა და ანთების სიმპტომური მკურნალობისთვის შემდეგ შემთხვევებში:

– მწვავე არტრიტი (მათ შორის პოდაგრა);

– ქრონიკული ართრიტი, კონკრეტულად რევმატოიდული არტრიტი (ქრონიკული პოლიარტრიტი);

– მაანკილოზებელი სპონდილიტი (ბეხტერევის დაავადება) და ხერხემლის სხვა ანთებითი რევმატიული დაავადებები;

– სახსრების და ხერხემლის დეგენერაციული დაავავდებების (ართრიტი და სპონდილოართრიტი) გამწვავება;

– რბილი ქსოვილების ანთებითი რევმატიული დაავადებები;

– მტკივნეული პოსტტრავმული შეშუპება და ანთება.

უკუჩვენება

რა არის გასათვალისწინებელი იბუპროფენ დენკის 600მგ მიღებამდე

არ არის რეკომენდებული იბუპროფენ დენკის 600მგ გამოყენება შემდეგ შემთხვევებში:

– იბუპროფენის ან იბუპროფენ დენკში 600მგ შემავალი ნებისმიერი ინგრედიენტის მიმართ მომატებული მგრძნობელობის შემთხვევაში;

– თუ პაციენტს ანამნეზში აღენიშნება, რომ ასპირინის ან სხვა არასტეროიდული ანთების საწინააღმდეგო საშუალებების გამოყენების შემდეგ განუვითარდა ასთმა, ცხვირის პოლიპები ან რეაქციები კანის მხრივ.

– სისხლმბადი სისტემის აუხსნელი დარღვევების დროს;

– თუ ამჟამად ან წარსულში არაერთგის გამოვლინდა კუჭის/ თორმეტგოჯა ნაწლავის წყლული (პეპტიური წყლული) ან სისხლდენა კუჭ-ნაწლავის ტრაქტის მხრიდან (წყლულის ან სისხლდენის სულ მცირე 2 სხვადასხვა დადასტურებული ეპიზოდი);

– თუ ანამნეზში აღინიშნება სისხლდენა კუჭ-ნაწლავის ტრაქტიდან ან პერფორაცია, რაც დაკავშირებულია არასტეროიდული ანთების საწინააღმდეგო/ ანტირევმატიული პრეპარატების მიღებასთან;

– ქალაშიდა სისხლდენის (ცერებროვასკულარული სისხლდენა) ან სხვა აქტიური სისხლდენების დროს;

– ღვიძლის და თირკმლის მძიმე დისფუნქციის დროს;

– გულის მძიმე უკმარისობის დროს (გულის შეგუბებითი უკმარისობა);

– ორსულობის ბოლო ტრიმესტრში;

– ბავშვებში და 15 წლამდე ასაკის მოზარდებში.

ქვემოთ ჩამოთვლილია შემთხვევები, როდესაც იბუპროფენ დენკი 600მგ მიიღება მხოლოდ კონკრეტულ შემთხვევებში (მაგალითად, შორი მგზავრობისას ან დაბალი დოზებით ან ექიმის ზედამხედველობის ქვეშ) და განსაკუთრებული სიფრთხილით. ამისთვის უნდა მიემართოს მკურნალ ექიმს. აღნიშნული ასევე ეხება პაციენტს იმ შემთხვევაშიც, თუ მსგავსი მოვლენები წარსულშიც გამოვლენილა.

იბუპროფენ დენკი 600მგ მიღებისას საჭიროა განსაკუთრებული სიფრთხილის გამოვლენა

სიფრთხილის ზომები კუჭ-ნაწლავის ტრაქტის მხრივ

არ არის რეკომენდებული იბუპროფენ დენკის 600მგ და სხვა არასტეროიდული ანთების საწინააღმდეგო პრეპარატების, მათ შორის СОХ-2 ინჰიბიტორების კომბინირებული მიღება.

გვერდითი ეფექტების შემცირება შესაძლებელია იმ მინიმალური ეფექტური დოზის მიღებით, რაც აუცილებელია სიმპტომების საკონტროლოდ ხანმოკლე პერიოდის განმავლობაში.

ხანდაზმული პაციენტები:

ხანდაზმულ პაციენტებში უფრო ხშირად ვლინდება გვერდითი ეფექტები არასტეროიდული, ანთების საწინააღმდეგო პრეპარატების გამოყენების შედეგად, განსაკუთრებით კი სისხლდენა კუჭიდან და თორმეტგოჯა ნაწლავიდან და პერფორაცია, რაც შესაძლებელია იყოს სიცოცხლისთვის საშიში. შესაბამისად, ხანდაზმული პაციენტები უნდა იმყოფებოდნენ ექიმის განსაკუთრებული დაკვირვების ქვეშ.

სისხლდენა კუჭ-ნაწლავიდან, წყლული და პერფორაცია

სისხლდენა კუჭ-ნაწლავიდან, წყლული და პერფორაცია, რაც შესაძლებლია იყოს სიცოცხლისთვის საშიშიც, გამოვლინდა ყველა არასტეროიდული, ანთების საწინააღმდეგო პრეპარატის მიღებისას. იგი შესაძლებელია გამოვლინდეს მკურნალობის ნებისმიერ დროს ან ყოველგვარი გამაფრთხილებელი სიმპტომების ან კუჭ-ნაწლავის სერიოზული წყლულოვანი დაავადების გარეშე.

კუჭ-ნაწლავის სისხლდენის, წყლულის და პერფორაციის რისკი იზრდება არასტეროიდული, ანთების საწინააღმდეგო პრეპარატების დოზის მომატებისას იმ პაციენტებში, რომელთაც მსგავსი დაავადება აღენიშნებათ ანამნეზში, განსაკუთრებით თუ აღინიშნება გართულება სისხლდენით ან პერფორაციით (იხ. ნაწილი 2 “რა არის გასათვალისწინებელი იბუპროფენ დენკის 600მგ მიღებამდე”) და ასევე ხანდაზმულებში. ასეთ პაციენტებში მკურნალობა იწყება ყველაზე მინიმალური ეფექტური დოზით.

ასეთ პაციენტებს და მათ, ვინც ამავდროულად იღებს აცეტილსალიცილის მჟავას ((ASA) ან სხვა ისეთი პრეპარატების დაბალ დოზებს, რომლებმაც შესაძლებელია გაზარდონ კუჭ-ნაწლავის დაავადების რისკი, უნდა დაენიშნოთ კომბინირებული მკურნალობა ისეთი პრეპარატებით (მაგალითად მიზოპროსტოლი ან პროტონის ტუმბოს ინჰიბიტორი), რომლებიც იცავენ კუჭის ლორწოვან გარსს. თუ ანამნეზში აღინიშნება გვერდითი ეფექტები კუჭ-ნაწლავის ტრაქტის მხრივ, განსაკუთრებით კი ხანდაზმულ ასაკში, მაშინ პაციენტმა დაუყოვნებლივ უნდა აცნობოს ექიმს ნესმიერი აბდომინალური სიმპტომების შესახებ (განსაკუთრებით სისხლდენა კუჭ-ნაწლავის ტრაქტიდან), განსაკუთრებით მკურნალობის დასაწყისში.

პრეპარატი განსაკუთრებული სიფრთხილით მიიღება სხვა ისეთ პრეპარატებთან ერთად, რომელთაც შეუძლიათ გაზარდონ წყლულის და პერფორაციის რისკი, ისეთები როგორიცაა პერორალური კორტიკოსტეროიდები, ანტიკოაგულანტები, ვარფარინი, სეროტონინის უკუმიტაცების სელექტიური ინჰიბიტორები, რომელბიც გამოიყენება დეპრესიის სამკურნალოდ ან ასპირინის ტიპის პრეპარატები (იხ. ნაწილი 2 “რა არის გასათვალისწინებელი იბუპროფენ დენკის 600მგ მიღებამდე”).

თუ კომბინირებული მკურნალობა იბუპროფენ დენკთან 600მგ ერთად იწვევს კუჭ-ნაწლავის სისხლდენას ან წყლულს, ასეთ შემთხვევაში მკურნალობა უნდა შეწყდეს.

არასტეროიდული ანთების საწინააღმდეგო პრეპარატები განსაკუთრებული სიფრთხილით გამოიყენება პაციენტებში, რომლეთც ანამნეზში აღენიშნებათ კუჭ-ნაწლავის დაავადებები (წყლულოვანი კოლიტი, კრონის დაავადება), რადგან მდგომარეობა შესაძლებელია გაუარესდეს (იხ. ნაწილი 4 “სავარაუდო გვერდითი ეფექტები”).

ზემოქმედება გულ-სისხლძარღვთა სისტემაზე

ისეთი პრეპარატები, როგორიცაა იბუპროფენ დენკი 600 მგ, შესაძლებელია დაკავშირებულნი იყვნენ მიოკარდიუმის ინფარქტის ან ინსულტის განვითარების მცირედ მომატებულ რისკთან. ნებისმიერი რისკი სავარაუდოდ იზრდება მაღალი დოზების მიღებისას და ხანგრძილივი მკურნალობის დროს. არ შეიძლება რეკომენდებული დოზის გადაჭარბება და მკურნალობის გახანგრძლივება.

თუ პაციენტს აღენიშნება პრობლემები გულის მხრივ ან წარსულში გადატანილი აქვს ინსულტი ან ფიქრობს, რომ შესაძლებელია იგი იმყოფებოდეს მსგავსი დაავადებების განვითარების რისკის ქვეშ (მაგალითად თუ პაციენტს აქვს მაღალი არტერიული წნევა, დიაბეტი ან ქოლესტერინის მომატებული რისკი ან მწველია), მაშინ მან კონსულტაციისთვის უნდა მიმართოს ექიმს ან ფარმაცევტს.

რეაქციები კანის მხრივ

არასტერიუდული ანთების საწინააღმდეგო პრეპარატების მიღებისას ძალიან იშვიათად ვლინდება სერიოზული რეაქციები კანის მხრივ, სიწითლესთან და ბუშტუკების გაჩენასთან ერთად, რომელთაგან ზოგიერთს აქვს ფატალური გამოსავალი (ექსფოლიაციური დერმატიტი, სტივენ-ჯონსონის სინდრომი და ტოქსიკური ეპიდერმული ნეკროლიზი/ ლაიელის სინდრომი, იხ. ნაწილი 4). სავარაუდოდ, აღნიშნული რეაქციების უმეტესობა აღინიშნება მკურნალობის დასაწყისში, რადგან მსგავსი რეაქციები უმეტეს შემთხვევაში ვლინდება მკურნალობის პირველ თვეებში. გამონაყარის, ლორწოვანი გარსის დაზიანების ან ჰიპერმგრძნობელობის პირველივე ნიშნების გამოვლენისთანავე იბუპროფენ დენკით 600 მგ მკურნალობა უნდა შეწყდეს და მიემართოს მკურნალ ექიმს.

ჩუტყვავილათი ინფიცირების დროს იბუპროფენ დენკით 600 მგ მკურნალობა არ არის რეკომენდებული.

სხვა ინფორმაცია

ქვემოთ მითიტებული დაავადებების შემთხვევაში იბუპროფენ დენკი 600 მგ გამოიყენება მხოლოდ მკურნალობის ეფექტურობისა და რისკის შეფასების შემდეგ:

– სისხლმბადი სისტების ზოგიერთი თანდაყოლილი დაავადება (მაგალითად მწვავე გარდამავალი პორფირია);

– ზოგიერთი აუტოიმუნური დაავადება (სისტემური წითელი მგლურა და შემაერთებელი ქსოვილების კომბინირებული დაავადებები).

საჭიროა განსაკუთრებული სამედიცინო დაკვირვება შემდეგ შემთხვევებში:

– სერიოზული ოპერაციის ჩატარებისთანავე;

– ალერგიის დროს (მაგალითად კანის რეაქციების გამოვლენა სხვა პრეპარატების მიღებისას, ასთმა, თივის ცხელება), ცხვირის ქრონიკული პოლიპები ან სასუნთქი გზების ქრონიკული შევიწროვება, სასუნთქი გზების დაავადებები;

– თირკმლის ან ღვიძლის ფუნქციის დარღვევისას.

ასევე ჰიპერმგრძნობელობის მწვავე რეაქციები (მაგალითად ანაფილაქსია) ძალიან იშვიათია. იბუპროფენ დენკის 600 მგ მიღების შემდეგ ჰიპერმგრძნობელობის პირველივე ნიშნების გამოვლენისთანავე მკურნალობა უნდა შეწყდეს. სიმპტომების გამოვლენისას შესაბამისი ზომების მიღება უნდა მოხდეს კვალიფიციური პერსონალის მიერ.

იბუპროფენს, იბუპროფენ დენკის 600 მგ აქტიურ ნივთიერებას შეუძლია დროებით დათრგუნოს თრომბოციტების ფუნქცია (თრომბოციტების აგრეგაცია). სისხლის შედედების დარღვევის მქონე პაციენტები უნდა იმყოფებოდნენ დაკვირვების ქვეშ.

იბუპროფენ დენკის 600 მგ ხანგრძლივი მკურნალობისას პერიოდულად უნდა გადამოწმდეს ღვიძლის და თირკმლის ფუნქციები და სისხლის ანალიზი.

ქირურგიულ ჩარევამდე იბუპროფენ დენკის 600 მგ მიღებისას კონსულტაციისთვის უნდა მიემართოს ან ეცნობოს  ექიმს ან სტომატოლოგს.

ტკივილ გამაყუჩებლების ხანგრძლივმა გამოყენებამ შესაძლებელია გამოიწვიოს თავის ტკივილი, რაც არ ქრება პრეპარატის დოზის გაზრდის შედეგად. თუ იბუპროფენ დენკის 600 მგ მიღების მიუხედავად თავის ტკივილი ხშირად აღინიშნება, მაშინ კონსულტაციისთვის უნდა მიემართოს მკურნალ ექიმს!

საბოლოო ჯამში, ტკივილგამაყუჩებლების ხშირმა მიღებამ, განსაკუთრებით სხვადასხვა ტკივილგამაყუჩებლების ეფექტების კომბინირებამ შესაძლებელია გამოიწვიოს თირკმლის შეუქცევადი დაზიანება თირკმლის უკმარისობის განვითარების რისკთან ერთად (ანალგეზიური ნეფროპათია).

როგორც სხვა პრპარატები, რომლებიც აინჰიბირებენ პროსტაგლანდინების სინთეზს, იბუპროფენ დენკი 600 მგ აძნელებს დაორსულებას. თუ პაციენტი გეგმავს დაორსულებას ან წარმოიქმნა პრობლემები დაორსულების მხრივ, ასეთ შემთხვევაში უნდა მიემართოს მკურნალ ექიმს.

ბავშვები და მოზარდები

არ შეიძლება იბუპროფენ დენკის 600 მგ დანიშვნა ბავშვებში და 15 წლამდე მოზარდებში, რადგან აქტიური ნივთიერების შემადგენლობა ძალიან  მაღალია. აღნიშნული ასაკობრივი კატეგორიისთვის არსებობს იბუპროფენის სხვა პრეპარატები, რომლებიც უფრო დაბალი კონცენტრაციით შეიცავენ აქტიურ ნივთიერებას (2 “რა არის გასათვალისწინებელი იბუპროფენ დენკის 600მგ მიღებამდე”).

იბუპროფენის, იბუპროფენ დენკის 600 მგ აქტიური ნივთიერების გამოყენება 6 წლამდე ასაკის ბავშვებში არ არის რეკომენდებული, რადგან არ არსებებოს მის შესახებ საკმარისი მონაცემები.

იბუპროფენ დენკის 600 მგ გამოყენება სხვა პრეპარატებთან ერთად

თუ პაციენტი მკურნალობს ან უახლოეს პერიოდში იღებდა სხვა პრეპარატებს, მათ შორის ურეცეპტოდ გასაცემ პრეპარატებს, მან უნდა მიმართოს მკურნალ ექიმს ან ფარმაცევტს. იბუპროფენ დენკის 600 მგ კომბინირებულმა მიღებამ დიგოქსინთან (აძლიერებს გულის შეკუმშვის ძალას), ფენიტოინთან (გამოიყენება გულყრების სამკურნალოდ) ან ლითიუმთან (გამოიყენება ფსიქიური და ემოციური აშლილობების სამკურნალოდ) ერთად შესაძლებელია გამოიწვიოს სისხლში აღნიშნული პრეპარატების კონცენტრაციის მომატება. რეკომენდებულია შრატში ლითიუმის დონის კონტროლი. რეკომენდებულია შრატში დიგოქსინის და ფენიტოინის დონის კონტროლი.

ანტიკოაგულანტებმა (მაგალითად, აცეტილსალიცილის მჟავა/ ასპირინი, ვარფარინი, ტიკლოპიდინი), მაღალი არტერიული წნევის სამკურნალო პრეპარატებმა (ისეთი აგფ ინჰიბიტორები, როგორიცაა კაპტოპრილი, ბეტა-რეცეპტორების ბლოკატორები, ანგიოტენზინ II-ის რეცეპტორის ანტაგონისტები), ასევე რამდენიმე სხვა პრეპარატმა შესაძლებელია გავლენა მოახდინოს იბუპროფენის მკურნალობაზე ან პირიქით. შესაბამისად სხვა პრეპარატებთან ერთად იბუპროფენის გამოყენებამდე კონსულტაციისთვის უნდა მიემართოს მკურნალ ექიმს.

იბუპროფენ დენკს 600 მგ შეუძლია შეამციროს შარდმდენი და ანტიჰიპერტენზიული პრეპარატების (დიურეზული და ჰიპოტენზიური საშუალებები) ეფექტი.

იბუპროფენ დენკმა 600 მგ შესაძლებელია ანტაგონისტურად იმოქმედოს აგფ ინჰიბიტორებზე (გამოიყენება გულის უკმარისობის და მაღალი არტერიული წნევის სამკურნალოდ). კომბინირებულმა მკურნალობამ შესაძლებელია გაზარდოს თირკმლის ფუნქციისა დაქვეითების რისკი – საშიშროება იზრდება.

იბუპროფენ დენკის 600 მგ და კალიუმის შემნახველი შარდმდენების (ზოგიერთი შარდმდენი) კომბინირებულმა გამოყენებამ შესაძლებელია გამოიწვიოს სისხლში კალიუმის დონის მომატება.

იბუპროფენ დენკის 600 მგ გამოყენებამ ანთების საწინააღმდეგო და ტკივილგამაყუჩებელ სხვა პრეპარატებთან, რომლებიც მიეკუთვნებიან არასტეროიდულ ანთების საწინააღმდეგო პრეპარატებს ან კორტიკოსტეროიდებთან ერთად შესაძლებელია გაზარდოს კუჭ-ნაწლავის წყლულის ან სისხლდენის განვითარების რისკი.

ანტიაგრეგანტებს და ზოგიერთ ანტიდეპრესანტებს (სეროტონინის უკუმიტაცების სელექტიური ინჰიბიტორები/ SSRI) შეუძლიათ გაზარდონ კუჭ-ნაწლავიდან სისხლდენის განვითარების რისკი.

მეტოტრექსატის მიღებამდე 24 საათით ადრე ან გვიან იბუპროფენ დენკის 600 მგ მიღებამ შესაძლებელია გამოიწვიოს მეტოტრექსატის კონცენტრაციის და შესაბამისად მისი გვერდითი ეფექტების მომატება.

ციკლოსპორინის (გამოიყენება ტრანსპლანტანტის გამოძევების პრევენციისთვის, ასევე რევმატიზმის სამკურნალოდ) ნეფროტოქსიური ეფექტის რისკი იზრდება რამდენიმე არასტეროიდული ანთების საწინაღმდეგო პრეპარატებთან ერთად კომბინირებული მიღებისას. აღნიშნული ეფექტის განვითარება არ არის გამორიცხული ციკლოსპორინისა და იბუპროფენის კომბინირებული გამოყენებისას.

პრობენეციდის ან სულფინპირაზონის (გამოიყენება პოდაგრის სამკურნალოდ) შემცველ პრეპარატებს შეუძლიათ შეანელონ იბუპროფენის გამოყოფა. ამან შესაძლებელია გამოიწვიოს იბუპროფენ დენკის 600 მგ დაგროვება ორგანიზმში და მისი გვერდითი ეფექტები გაძლიერება.

არასტეროიდულ ანთების საწინააღმდეგო პრეპარატებს შეუძლიათ გააძლიერონ ისეთი ანტიკოაგულანტის მოქმედება, როგორიცაა ვარფარინი. მკურნალობის დროს რეკომენდებულია სისხლის შედედების უნარის კონტროლი.

კლინიკურმა კვლევებიდან გამოვლინდა ურთიერთქმედება არასტეროიდულ ანთების საწინააღმდეგო პრეპარატებსა და სულფონილშარდოვანას პრეპარატებს (გამოიყენება სისხლში გლუკოზის დონის შესამცირებლად) შორის. მართალია უერთიერთქმედება იბუპროფენსა და სულფონილშარდოვანას შორის არ გამოვლენილა, მაგრამ სიფრთხილის სახით რეკომენდებულია სისხლში გლუკოზის დონის კონტროლი.

ტაკროლიმუსი: ნეფროტოქსიურობის რისკი იზრდება ორივე პრეპარატის კომბინირებული გამოყენებისას.

ზიდოვუდინი: ჰემოფილიით დაავადებულ აივ-დადებით პაციენტებში ზიდოვუდინისა და იბუპროფენის კომბინირებული გამოყენებისას არსებობს მონაცემები ჰემატომისა და ჰემართროზის განვითარების შესახებ.

იბუპროფენ დენკის 600 მგ მიღება საკვებთან და სასმელთან ერთად

იბუპროფენ დენკით 600 მგ მკურნალობის დროს არ არის რეკომენდებული ალკოჰოლის გამოყენება.

ორსულობა და ლაქტაციის პერიოდი

ნებისმიერი პრეპარატის მიღებამდე/ გამოყენებამდე რეკომენდაციისთვის უნდა მიემართოს მკურნალ ექიმს ან ფარმაცევტს.

ორსულობა

თუ იბუპროფენ დენკით 600 მგ მკურნალობის დროს აღმოჩნება, რომ პაციენტი არის ორსულად, ასეთ შემთხვევაში უნდა მიემართოს მკურნალ ექიმს. იბუპროფენის მიღება შესაძლებელია ორსულობის პირველ და მეორე ტრიმესტრში მხოლოდ ექიმთან კონსულტაციის შემდეგ. არ შეიძლება იბუპროფენ დენკის 600 მგ გამოყენება ორსულობის მესამე ტრიმესტრში დედისა და ნაყოფის მხრივ გართულებების მომატებული რისკის გამო.

ლაქტაციის პერიოდი

აქტიური ნივთიერება – იბუპროფენი და მისი მეტაბოლიტები გადადის დედის რძეში უმნიშვნელო რაოდენობით. იმის გამო, რომ ბავშვზე პრეპარატის არასასურველი ზემოქმედება დღემდე არ არის შესწავლილი, ხანმოკლე გამოყენებისას როგორც წესი ლაქტაციის შეწყვეტა არ არის საჭირო. უფრო ხანგრძლივი მკურნალობისას ან უფრო მაღალი დოზების მიღებისას შესაძლებელია საჭირო გახდეს ლაქტაციის შეწყვეტა.

ზემოქმედება მანქანის და სხვა მექანიზმების მართვაზე

იმის გამო, რომ იბუპროფენ დენკის 600 მგ მაღალი დოზების მიღებისას შესაძლებელია გამოვლინდეს გვერდითი ეფექტები ცნს-ის მხრივ, როგორიცაა დაღლილობა და თავბრუსხვევა, ამან შესაძლებელია გავლენა მოახდინოს რეაგირების და ავტომობილისა და სხვა მექანიზმების მართვის უნარზე. ეს განსაკუთრებით ეხება პრეპარატის მიღებას ალკოჰოლთან ერთად. ასეთ შემთხვევაში პაციენტი ვერ შეძლებს სწრაფად და ეფექტურად რეაგირებას მოულოდნელ სიტუაციებში. ასეთ შემთხვევაში არ შეიძლება მანქანის და სხვა მექანიზმების საჭეს მართვა! საჭიროა ნებისმიერი დამცავი მეთოდის და მექანიზმის გამოყენება! არ შეიძლება შესაბამისი დაზღვევის გარეშე მუშაობა

მიღების წესი

იბუპროფენ დენკი 600მგ მიიღება ექიმის რეკომენდაციის ზუსტი დაცვით. თუ პაციენტი არ არის დარწმუნებული, კონსულტაციისთვის უნდა მიმართოს მკურნალ ექიმს ან ფარმაცევტს.

თუ არ არის ექიმის განსხვავებული მითითება, მაშინ ჩვეული დოზა შეადგენს შემდეგს:

იბუპროფენის დოზა დამოკიდებულია ასაკზე და სხეულის წონაზე.

რეკომენდებული დოზა მოზრდილებისთვის და 15 წელზე უფროსი ასაკის მოზარდებისთვის შეადგენს 1200 – 2400მგ იბუპროფენს დღეში. მოზრდილების მაქსიმალურმა ერთჯერადმა დოზამ არ უნდა გადააჭარბოს იბუპროფენ დენკის 600მგ ერთ ტაბლეტს.

ასაკი	ერთჯერადი დოზა	საერთო დღიური დოზა
მოზრდილები და 15 წელზე უფროსი ასაკის მოზარდები	½  – 1 ტაბლეტი (ექვივალენტური 300-600 მგ იბუპროფენისა)	2-4 ტაბლეტი (ექვივალენტური 1200 – 2400 მგ იბუპროფენისა)

ინიდვიდუალური დოზირებისთვის ტაბლეტს აქვს გამყოფი ხაზი

მკურნალობის ტიპი და ხანგრძლივობა

იბუპროფენ დენკი 600მგ ყოველთვის მიიღება ექიმის რეკომენდაციის ზუსტი დაცვით. თუ პაციენტი არ არის დარწმუნებული, კონსულტაციისთვის უნდა მიმართოს მკურნალ ექიმს ან ფარმაცევტს!

თუ პაციენტს აქვს მგრძნობიარე კუჭი, ასეთ შემთხვევაში რეკომენდებულია იბუპროფენ დენკის 600მგ მიღება საკვებთან ერთად.

რევმატიული დაავადებებისას შესაძლებელია საჭირო გახდეს იბუპროფენ დენკით 600მგ ხანგრძლივი მკურნალობის ჩატარება. მკურნალობის ხანგრძლივობას განსაზღვრავს ექიმი.

იბუპროფენ დენკის 600მგ დოზის გადაჭარბება

იბუპროფენ დენკი 600მგ მიიღება ექიმის დანიშნულების ან ინსტრუქციაში მითითებული დოზირების რეჟიმის შესაბამისად. თუ პაციენტი ფიქრობს, რომ ტკივილგამაყუჩებელი ეფექტი არ არის ადეკვატური, ასეთ შემთხვევაში არ შეიძლება დოზის გაზრდა თვითნებურად, არამედ კონსულტაციისთვის უნდა მიემართოს ექიმს.

ცნს-ის მხრივ დოზის გადაჭარბების სიმპტომებია: თავის ტკივილი, თავბუსხვევა, ძილიანობა ან უძილობა (და მიოკლონური შეტევები ბავშვებში), ასევე მუცლის ტკივილი, გულისრევა და ღებინება. გარდა ამისა, შესაძლებელია გამოვლინდეს სისხლდენა კუჭ-ნაწლავის ტრაქტიდან და ასევე ღვიძლის და თირკმლის დისფუნქცია. გარდა ამისა შესაძლებელია გამოვლინდეს დაბალი არტერიული წნევა, სუნთქვის სიხშირის დაქვეითება (სუნთქვის დათრგუნვა) და კანისა და ლორწოვანი გარსების მოლურჯო-მოწითალო შეფერილობა.

სპეციფიური ანტიდოტი არ არსებობს.

იბუპროფენ დენკის 600მგ დოზის გადაჭარბების შესახებ ეჭვის შეტანის შემთხვევაში უნდა მიემართოს მკურნალ ექიმს. მას შეუძლია გადაწყვიტოს ინტოქსიკაციის სიმძიმის მიხედვით თუ რა ზომების მიღება არის საჭირო.

იბუპროფენ დენკის 600მგ დოზის გამოტოვება

დოზის გამოტოვების შემთხვევაში საჭიროა მომდევნო დოზის მიღება, რომელიც არ გადააჭარბებს ჩვეულებრივ რეკომენდებულ დოზას.

პრეპარატის გამოყენების შესახებ დამატებითი კითხვების გაჩენის შემთხვევაში უნდა მიემართოს მკურნალ ექიმს ან ფარმაცევტს.

სავარაუდო გვერდითი ეფექტები

როგორც ყველა პრეპარატის შემთხვევაში, იბუპროფენ დენკმაც 600მგ შესაძლებელია გამოიწვიოს გვერდითი ეფექტები, თუმცა ისინი ყველას არ უვითარდება. ქვემოთ ჩამოთვლილი გვერდითი ეფექტების სიხშირე განისაზღვრება შემდეგნაირად

ძალიან ხშირად:	1-ზე მეტი შემთხვევა ყოველი 10 პაციენტიდან
ხშირად:	1-10 შემთხვევა ყოველი 100 პაციენტიდან
არა ხშირად:	1-10 შემთხვევა ყოველი 1000 პაციენტიდან
იშვიათად:	1-10 შემთხვევა ყოველი 10000 პაციენტიდან
ძალიან იშვიათად:	1-ზე ნაკლები შემთხვევა ყოველი 10000 პაციენტიდან
უცნობია:	განისაზღვრება არსებული მონაცემების საფუძველზე.

სავარაუდო გვერდითი ეფექტები

საჭიროა ყურადღების მიქცევა პრეპარატის მიერ გამოწვეულ ქვემოთ მითითებულ გვერდით ეფექტებზე, რადგან ისინი ძირითადად დოზა-დამოკიდებულია და ინდივიდუალურად ვლინდება პაციენტებს შორის.

ყველაზე ხშირად გვერდითი ეფექტები ვლინდება კუჭ-ნაწლავის მხრიდან. შესაძლებელია კუჭის/ თორმეტგოჯა ნაწლავის წყლულის (პეპტიური წყლული), პერფორაციის ან სისხლდენის განვითარება, შესაძლო ფატალური გამოსავლით, განსაკუთრებით ხანდაზმულ პაციენტებში (იხ. მე-2 ნაწილი). პრეპარატის მიღების შემდეგ გამოვლინდა გულისრევა, ღებინება, ფაღარათი, მუცლის შებერილობა, ყაბზობა, დისპეფსია, მუცლის ტკივილი, მელენა, სისხლიანი ღებინება, წყლულოვანი სტომატიტი, კოლიტის და კრონის გამწვავება (იხ. მე-2 ნაწილი). კუჭ-ნაწლავის ტრაქტიდან სისხლდენის განვითარების რისკი დამოკიდებულია დოზის დიაპაზონზე და მკურნალობის ხანგრძლივობაზე.

არასტეროიდული ანთების საწინააღმდეგო პრეპარატების მიღებისას გამოვლინდა შეშუპება, ჰიპერტონია და გულის უკმარისობა. ისეთი პრეპარატი, როგორიცაა იბუპროფენ დენკი 600მგ შესაძლებელია დაკავშირებული იყოს მიოკარდიუმის ინფარქტის ან ინსულტის მომატებულ რისკთან.

გულის მხრივ

ძალიან იშვიათად: გახშირებული გულისცემა, შეშუპება (სითხის შეკავება), გულის უკმარისობა (გულის შეგუბებითი უკმარისობა), მიოკარდიუმის ინფარქტი.

სისხლისა და ლიმფური სისტემის მხრივ

ძალიან იშვიათად: სისხლის დაავადება (ანემია, ლეიკოპენია, თრომბოციტოპენია, პანციტოპენია, აგრანულოციტოზი). პირველი სიმპტომები შესაძლებელია იყოს ცხელება, ყელის ტკივილი, ზედაპირული ჭრილობები პირის ღრუში, გრიპის მსგავსი სიმპტომები, ძლიერი დაღლილობა, ცხვირიდან სისხლდენა და სისხლნაჟღენთები.

ასეთ შემთხვევაში მკურნალობა დაუყოვნებლივ უნდა შეწყდეს და მიემართოს ექიმს. თვითმკურნალობა ნებისმიერი ტკივილგამაყუჩებელი ან სიცხის დამწევი საშუალებით არ არის რეკომენდებული.

ხანგრძლივი მკურნალობისას აუცილებელია სისხლის ანალიზის რეგულარული კონტროლი.

ნერვული სისტემის მხრივ

ხშირად: ცენტრალური ნერვული სისტემის დაზიანებები, როგორიცაა თავის ტკივილი, თავბრუსხვევა, უძილობა, აგზნება, გაღიზიანებულობა ან დაღლილობა.

თვალების მხრივ:

არახშირად: პრობლემების მხედველობის მხრივ.

სმენისა და ვესტიბულარული აპარატის მხრივ:

ძალიან იშვიათად: ყურებში შუილი, სმენის დაქვეითება.

კუჭ-ნაწლავის მხრივ:

ძალიან ხშირად: შესაძლებელია გამოვლინდეს კუჭ-ნაწლავის სიმპტომები, როგორიცაა გულძმარვა, მუცლის ტკივილი, გულისრევა, ღებინება, მუცლის შებერილობა, ფაღარათი, ყაბზობა და უმნიშვნელო სისხლდენა კუჭ-ნაწლავიდან, გამონაკლის შემთხვევებში ანემია (სისხლნაკლებობა).

ხშირად: კუჭის/ თორმეტგოჯა ნაწლავის წყლული (პეპეტიური წყლული), შესაძლებელია სისხლდენასა და პერფორაციასთან ერთად. წყლულოვანი სტომატიტი ან კრონის გამწვავება.

არახშირად: კუჭის ანთება (გასტრიტი);

ძალიან იშვიათად: საყლაპავის (ეზოფაგიტი) და კუჭქვეშა ჯირკვლის (პანკრეატიტი) ანთება.

მუცლის ზედა ნაწილში ძლიერი ტკივილის, სისხლიანი ღებინების, სისხლიანი განავალის და/ ან შავი ფერის ფეკალური მასების შემთხვევაში საჭიროა იბუპროფენ დენკის 600მგ დოზის დარეგულირება და ექიმის გადაუდებელი კონსულტაცია.

ძალიან იშვიათად: წვრილ და მსხვილ ნაწლავში სტრიქტურის მსგავსი მემბრანის განვითარება (ნაწლავის დიაფრაგმის მსგავსი სტრიქტურები).

თირკმლის და შარდგამომყოფი სისტემის მხრივ

არახშირად: სითხის შეკავება ქსოვილებში და შეშუპების განვითარება, განსაკუთრებით პაციენტებში რომელთაც აღენიშნებათ მაღალი არტერიული წნევა ან თირკმელების ფუნქციის დარღვევა, ნეფროტოქსიური სინდრომი (სითხის დაგროვება ორგანიზმში [შეშუპება] და ცილების მომატებული ექსკრეცია შარდში), თირკმელების ანთებითი დაავადება (ინტერსტიციული ნეფრიტი), რაც შესაძლებელია დაკავშირებული იყოს თირკმლის მწვავე დისფუნქციასთან.

ძალიან იშვიათად: შესაძლებელია თირკმლის ქსოვილის დაზიანება (პაპილარული ნეკროზი), სისხლში შარდმჟავას კონცენტრაციის მომატება. შარდის ექსკრეციის დაქვეითება, ორგანიზმში სითხის დაგროვება (შეშუპება) და ზოგადი სისუსტე შესაძლებელია გამოწვეული იყოს თირკმელების დაზიანებით, რაც შეიძლება პროგრესირდეს თირკმლის უკმარისობამდე.

აღნიშნული სიმპტომების წარმოქმნის ან გაუარესების შემთხვევაში საჭიროა იბუპროფენ დენკის 600მგ მკურნალობის შეწყვეტა და ექიმის კონსულტაცია.

კანის და კანქვეშა ქსოვილის მხრივ

ძალიან იშვიათად: კანის მძიმე რეაქციები, როგორიცაა გამონაყარი სიწითლითა და ბუშტუკებით (მაგალითად სტივენ-ჯონსონის სინდრომი, ტოქსიური ეპიდერმული ნეკროლიზი/ ლაიელის სინდრომი), ალოპეცია (თმის ცვენა).

გამონაკლის შემთხვევებში შესაძლებელია განვითარდეს გართულებები კანის და რბილი ქსოვილების სერიოზული ინფექციის სახით, თუ პრეპარატი მიიღება ჩუტყვავილას  დროს (იხ. ასევე “ ინფექციები და ინვაზიები”).

ინფექციები და ინვაზიები

ძალიან იშვიათად: აღწერილია კავშირი ზოგიერთ ანთების საწინააღმდეგო პრეპარატის გამოყენებასა (იბუპროფენ დენკი 600მგ ასევე მიეკუთვნება ასეთ პრეპარატებს) და ინფექციის გამოწვეულ ანთებითი პროცესის გაუარესებას შორის (მაგალითად ნეკროზული ფასციიტის განვითარება).

თუ იბუპროფენ დენკით 600მგ მკურნალობის დროს განვითარდება ან გაუარესდება ინფექციის ნიშნები (მაგალითად სიწითლე, შეშუპება, წამოხურება, ტკივილი, ცხელება), ასეთ შემთხვევაში დაუყოვნებლივ უნდა მიემართოს კონსულტაციისთვის ექიმს.

ძალიან იშვიათად იბუპროფენის გამოყენებისას გამოვლინდა ინფექციური მენინგიტის მსგავსი სიმპტომები (ასეპტიური მენინგიტი), როგორიცაა თავის ძლიერი ტკივილი, გულისრევა, ღებინება, ცხელება, კისრის კუნთების რიგიდობა ან ცნობიერების დაბინდვა. მომატებული რისკი სავარაუდოდ არსებობს იმ პაციენტებისთვის, რომლებსაც უკვე აღენიშნებათ ზოგიერთი აუტოიმუნური დაავადება (სისტემური წითელი მგლურა, შემაერთებელი ქსოვილების კომბინირებული დაავადება).

სისხლძარღვოვანი სისტემის მხრივ

ძალიან იშვიათად: მომატებული არტერიული წნევა (ჰიპერტონია).

იმუნური სისტემის მხრივ:

არახშირად: ჰიპერმგრძნობელობის რეაქციები გამონაყართან და ქავილთან ერთად, ასევე ასთმის ნიშნები (შესაძლებელია არტერიული წნევის დაქვეითება).

ასეთ შემთხვევაში დაუყოვნებლივ უნდა ეცნობოს მკურნალ ექიმს და იბუპროფენ დენკით 600მგ მკურნალობა უნდა შეჩერდეს.

ძალიან იშვიათად: ჰიპერმგრძნობელობის ზოგადი მძიმე რეაქციები. ეს შესაძლებელია გამოვლინდეს სახის, ენის და ხორხის შეშუპების სახით სასუნთქი გზების შევიწროვებასთან ერთად, ქოშინი, ტაქიკარდია, ჰიპოტონია და შოკის განვითარების საშიშროება.

ზემოთ ჩამოთვლილთაგან რომელიმეს გამოვლენის შემთხვევაში საჭიროა გადაუდებელი სამედიცინო დახმარება. ასეთ შემთხვევაში პაციენტმა დაუყოვნებლივ უნდა აცნობოს მკურნალ ექიმს და შეწყვიტოს იბუპროფენ დენკის 600მგ მიღება.

ღვიძლის და სანაღვლე გზების მხრივ

ძალიან იშვიათად: ღვიძლის ფუნქციის დარღვევა, ღვიძლის დაზიანება, განსაკუთრებით ხანგრძლივი მკურნალობისას, ღვიძლის უკმარისობა, ღვიძლის მწვავე ანთება (ჰეპატიტი).

ხანგრძლივი მკურნალობისას საჭიროა ღვიძლის ფუნქციების რეგულარული კონტროლი.

ფსიქიური დარღვევები

ძალიან იშვიათად: ფსიქიური რეაქციები, დეპრესია.

თუ რომელიმე ზემოთ ჩამოთვლილი მიიღებს სერიოზულ სახეს ან პაციენტი შეამჩნევს სხვა გვერდით მოვლენას, რაც არ არის აღწერილი აღნიშნული ინსტრუქციაში, ასეთ შემთხვევაში კონსულტაციისთვის უნდა მიემართოს მკურნალ ექიმს ან ფარმაცევტს.

შენახვის წესი

ყველა პრეპარატი უნდა ინახებოდეს ბავშვებისთვის მიუწვდომელ ადგილას.

არ გამოიყენება კოლოფზე/ ბლისტერზე მითითებული ვადის გასვლის შემდეგ.

შენახვის ვადა გულისხმობს თვის ბოლო დღეს.

აღნიშნული პრეპარატი არ საჭიროებს შენახვის განსაკუთრებულ პირობებს

.